قصيدة بحق الامام موسى بن جعفر

بسم اللة الرحمن الرحيم
السلام عليكم ورحمة اللة وبركاتة


يـمـن لجلك كـتـبـت أبيات ثـوريـة

ألك صورة بوسط هالروح قدسية

؛؛؛؛؛؛؛؛؛؛؛

يالـكـاظـم الك حــــب بخــلايـا الــدم

يالبصبرك قهـرت الغيض مـن تكظم

يا رمــز الإبـاء ألـمـا يـهـمـة الـهــم

ويا لسجـنـك صـبـح عـنـوان حــرية

؛؛؛؛

يا بــاب الحـوائـج للـخـلك مـفـتــوح

ويا بلسم جـرح للبيه كـثـره أجروح

بس أنت الطبيب أداوي هاي الروح

وكـل حـاجـة التـمـر أعليك مگضية

؛؛؛؛

مثـل نـُوح النبي نوحـي عله سجنك

وگــيــد الظـالـم المـاخــذ اثـر مـنـك

مثل يعگوب أصـارع ونتي بحـزنك

ومثل يوســف عليك العـيـن معمية

؛؛؛؛

رغـم هـاي السـنين ألبـيـنـك وبيـني

أحـسـنـك نـبـض سـاكـن شـرايـيـني

گـبـل عـيـنـك يريت البين سد عيني

وگـبـل روحـك يريت الروح مطوية

؛؛؛؛

يمن حـزنك سـكـن گلبي وفلا يطلع

وعليك العـيـن مـن دم الحمـر تدمع

تـظـل الـروح تنشدلك شعـر واسمع

وكـل نبـضة بدليلي أعـليك لطـمـيـة