مجموعة جديدة من الابوذيات العراقية2011

تولاني الدهر ياخوي دج دج
وما اخفي عليك الحال دج دج
علي ريش الحلال شتضن دج دج
لحيمي من المهد والحد المنيه

حذرك من صدودي وانفعالي
لاني الناصي انفي وانفي عالي
حلو ومغرور كلش وانفي عالي
على اليريد يتكبر علية


ذبيح كبال عينك بارزاني
ولاجن كبل غيرك بارزاني
اذا باربيل رشح بارزاني
يحط صورتك لن تفوز هية

علي تزعل يل بخدك 11 لون
دع الوين دع اليمتة دع شلون
ما كلك علي جفك دعا شلون
زعل اهلي ولازعلك علية


مبلل ما يهمني المطر منصاب
وميت ما يهمني السهم من صاب
هدف وبساحة الميدان منصوب
وحاضر يالتريد لطعن بيه

لك كلبي يحن بس الك بالذات
لان طبعك حنين وموش بذات
تظل بالروح عايش دوم بذات
شلون انساك وانت الرروح بيه

قابل بل عكدته وياي بس تان
يمن خدك عسل واشفاك بستان
صفه شيب العلي بجفاك بستان
وانه ابريعان عمري شلون بيه


ولفي اللي احبه فاركاني
كَلب مايوم شعري فارك اني
اصيرن جيري لاجلك فارك اني
بس ارضه بمحبتي ومر علية ... بقلمي الى من احبه


شفت غزلان فوك الجبل يرعن
خذن عكلي وبدن بحشاي يرعن
ليش انت جليل الذات يرعن
اتطول ابعادك عليه


نهاية حبنه يسمر شارفتنه
بتحايه وطيب منه شارفتنه
شبدينه وكلت عنه شارفتنه
وانه عله الراس شلتك مو بديه

العقل رغم الجنيته هم يجن بيك
وعله دروب الشماته هم يجنبك
اسهامك لاتصدلي هم يجن بيك
الدهر يومين الك يوم واليه

عفينه وياك يسمر من كذا بيت
اهل غيره احنه تدري من كذا بيت
الك بيت ابقصيده من كذا بيت
رثيتك ليش تهجيني اباذيه

بربيع الخير وانتي ماهويتي
يدنيا وعن عذابي ماهويتي
يهل تنشد عليه ماهويتي
عراقي وشايل الغيره بديه


زماني شما لعب بيه...ولهتم
والراده علي يسري...ولهتم
بروحي شماتغيرتوا...ولهتم
لان حبكم دوه لكل مرض بيه

غــله مـن الذهـب صايــر ..بلاشك
واحبـــك ما أحـــب غيــرك ..بلاشك
تعـــال ادخــل بنص كلبي ..بلا شيك
واخــــذ شتريــــد حتى المو اليــــه

شخص ما احترم غيرك ولاهاب
ولا هادي الشخص غيرك ولاهاب
حبك نار ما يبرد ولاهاب
يجوي الكلب كل صبح اومسيه

عليكم ثوب اسود اضل لابس
وما احمل فراك وقهر لا بس
اذا ما بيك جيه بعد لاباس
اجي ليك انه من غصبا عليه

عشرتك بعد صدك مرجع الهه
لان هجرك القاسي مر جعلهه
انه الجنت صاير مرجع الهه
واعلمنك مناهج مدرسيه

اهموم احصد بهجرانك والمن
وجرحمن راح اسكتنه والمن
مثل طير اوطحت بيدي ولمن
كمل جنحك طرت من بين اديه

اخلص الليل بالون والنواعي
وتنام الناس كلهه وانه واعي
ناس ابكيف تسهر وانواعي
تخلص الليل بهموم واذيه

الك كاس بعشرتي اوياك صبيت
وجنني الهوى وبالعشك صبيت
انجان انته عليه ادموع صبيت
بجيت اعيون من فركاك اليه


يكلبي اصار ودموعك تهل هل
وعلي متريد شوفتهم تهل هل
كمت ودموعك بعينك تهلهل
لان طارش وصل منهم الية